සුවපත්කිරීම

සිප ගනු මැන සොඳුර මා පැසුණු හිස,

හැකිවනු ඇත තවමත් ඔබට,

පළවාහැර එහි ශ්වේත වර්ණය

කලු පැහැය යළි රැගෙන එන්නට.

සිපගෙන ඉතින් මා දෙනයන

දුරලනු මැනවි ඉන් සන්තාපය,සැකය.

යළි මා හොඳ, බැතිමත් කෙනෙකු කරනට,

හැකිවනු ඇත තවමත් ඔබට.

ඉවත හළ මැන සොඳුර සිපගෙන,

හලාහල විෂ මා මුවෙන්.

ඇතැම්විට මා යළි මුග්ධ වී,

තරුණයෙකු වනු ඇත ඉතින්.

-ඒබ්‍රහම් රෙයිසන් (1876-1953)

(ජෝසප් ලෙෆ්ට්වික් යිඩිෂ් බසින් ඉංගිරිසියට කළ පරිවර්තනයෙනි.)

Painting by Edvard Munch